හපුතලේ ප්‍රාදේශීය සභාවේ අන්තර්ජාල බිහිදොරට

සභා ලේකම්තුමියගේ පණිවිඩය

මහජන සුභසාධනය උදෙසා ඉතා විශාල සේවාවක් ඉටුකරනු ලබන පළාත් පාලන ආයතනයක් වන හපුතලේ ප්‍රාදේශීය සභාවේ පරිපාලන නිළධාරි වශයෙන් කටයුතු කරමින් මෙම ආයතනය වර්තාමනයේ  පවතින ස්ථානය පිළිබදව මා ඉමහත් සතුටට පත් වන්නෙමි.

විශේෂයෙන් සෑම ක්‍ෂෙත්‍රයකම වාගේම තොරතුරු තාක්‍ෂණ ක්‍ෂෙත්‍රයද වර්තමානයේ දක්නට ලැබෙන තත්වය ඉතාමත් සතුටුදායකය. මහජන මුදලින් නඩත්තු වන රජයේ ආයතනයක් විසින් මහජනතාව වෙනුවෙන් ඉතා කාර්යක්‍ෂම කඩිනම් ඵළදායි සේවාවක් සැපයීමට අවශ්‍යවන තොරතුරු තාක්‍ෂණය භාවිතයට ගැනීම සදහා දරන ලද ප්‍රයත්නයේ ප්‍රතිඵලයක් ලෙස ගෙන ඇති මෙම මහඟු වැඩපිළිවෙල තව තවත් සාර්ථකව ඉදිරියට ගෙනයාම උදෙසා ඇපකැප වීමෙන් කටයුතු කර වඩා සාර්ථක පළාත් පාලන සේවාවක් ගොඩ නැංවීමට කටයුතු කළ යුතුය. ඒ සදහා කාර්ය මණ්ඩලය සමග එකමුතුව කටයුතු කරන්නෙමි.

හපුතලේ ප්‍රාදේශීය සභාවේ ජනතා මෙහෙවර වෙනුවෙන් ශක්තිය, ධෛර්යය හා මග පෙන්වීම නොඅඩුව ලබා දෙන හපුතලේ ප්‍රාදේශීය සභා සභාපතිතුමා සහ පක්ෂ විපක්ෂ මණ්ත්‍රි මණ්ඩලයත්, පළාත් පාලන කොමසාරිස්තුමා ද මෙම අවස්ථාවේදී ඉතාමත් ගෞරව පූර්වකව සිහිපත් කරන්නෙමි.

කේ.එම්.පී.සී. කුලසේකර

සභා ලේකම් (හපුතලේ ප්‍රාදේශීය සභාව)